ශ්‍රී ලංකාවට රන් පදක්කමක් දිනා දුන් දිනේෂ්ට අගමැතිගෙන් නිවසක්
ටෝකියෝ නුවර පැවති පැරාඔලිම්පික් විස්සයි විස්ස හෙල්ල විසි කිරීමේ ඉසව්වෙන් නව ලෝක වාර්තාවක් තබමින් ශ්‍රී ලංකාවට රන් පදක්කමක් දිනා දුන් දිනේෂ් ප්‍රියන්ත හේරත්ට අග්‍රාමාත්‍ය මහින්ද රාජපක්ෂ නව නිවසක් ප්‍රදානය කළා. ඒ අරලියගහමන්දිරයේදී.
ක්‍රීඩා අමාත්‍ය නාමල් රාජපක්ෂගේ මැදිහත්වීම අනුව ලබාදුන් මෙම නව නිවසේ ප්‍රදාන පත්‍රය අග්‍රාමාත්‍යවරයා විසින් රන් පදක්කම් ලාභී දිනේෂ් ප්‍රියන්ත හේරත්ට ලබාදුන් බව අග්‍රාමාත්‍ය කාර්යාලය නිවේදනය කළා.
ඒ අනුව නාගරික සංවර්ධන අධිකාරිය සතු කොළඹ දෙක, කොම්පඤ්ඤවීදිය ප්‍රදේශයේ පිහිටි නිවාස ව්‍යාපෘතියක නිවසක් මෙලෙස ප්‍රදානය කර තිබෙනවා.
