සුපිරි බොලිවුඩ් නළු අනිල් කපූර් ඉන්නේ ලංකාවේ
සුපිරි බොලිවුඩ් නළුවන් වන අනිල් කපූර් සහ ආදිත්‍ය රෝයි කපූර් දිවයිනට පැමිණ තිබෙනවා.
ඒ, ‘ද නයිට් මැනේජර්’ නමැති බි්‍රතාන්‍ය ටෙලි කතා මාලාවක හින්දි අනුවර්තනය රූගත කිරීම සඳහායි.
ඔවුන් සමග නළු නිලියන් ඇතුළු 180කට ආසන්න නිෂ්පාදන කණ්ඩායමක් ද මෙරටට පැමිණ ඇති බවයි වාර්තා වන්නේ.
ඔවුන් මේ වනවිට දකුණු පළාතේ රූගත කිරීම් ආරම්භ කර තිබෙනවා.
අනිල් කපූර් කියලා කියන්නේ ඉන්දියාවේ ඉතාම සුප්‍රසිද්ධ නළුවෙක් වගේම නිෂ්පාදකවරයෙක්ද වෙනවා.
චිත්‍රපට 108කට පමණ රංගන දායකත්වය ලබා දුන් ඔහු මේ වන විට 65 වන වියේ පසු වෙනවා.
ඔහු ශ්‍රී ලංකාවේ සංචාරය අතර තුර ලුණුගඟ හි සුවිශේෂී ගස අසල ගත් ඡායාරූප කිහිපයක් තම ට්විටර් ගිණුම ඔස්සේ බෙදාගෙන තිබුණේ මේ අයුරින්.
