ජ්‍යේෂ්ඨ රංගන ශිල්පිනී මල්ලිකා පිලපිටිය දිවිසැරිය නිමා කරයි
ජ්‍යේෂ්ඨ රංගන ශිල්පිනී මල්ලිකා පිලපිටිය අභාවප්‍රාප්ත වී තිබෙනවා.
ඇය අද (26) පෙරවරුවේ දී අභාවප්‍රාප්ත වූ බවයි ආරංචි මාර්ග සඳහන් කළේ.
වර්ෂ 1936 ඔක්තෝබර් මස 04 වැනි දින හඟුරන්කෙත උපත ලැබූ ඩේසි අයිරින් මල්ලිකා පිලපිටිය මියයන විට 86 වැනි වියෙහි පසුවූවා.
ආචාර්ය ලෙස්ටර් ජේමිස් පීරිස් මහතා අධ්‍යක්ෂණය කළ “රේඛාව” සිනමාපටය සඳහා ද රංගනයෙන් දායක වූ ඇය “ගොළු හදවත” ටෙලිනාට්‍යය සදහා ද සිය රංගන කෞෂල්‍යය එක් කළා.
ඇය මෙරට රංගන ශිල්පී රොෂාන් පිලපිටියගේ දයාබර මෑණියන් ද වනවා.
