අරගලයට ගීතයක්
රට තුළ පවතින තත්ත්වයට විරෝධය පළ කරමින් ගාලු මුවදොර පැවැත්වෙන ජනතා විරෝධතාව 11 වන දිනටත් (19) ක්‍රියාත්මක වනවා.
මේ වන විටත් ජනාධිපති කාර්යාලය ඉදිරිපිට පිරිසක් රැඳී සිටිමින් විරෝධතාවයේ නිරත වන බව අපගේ “MyNewsLanka” වාර්තාකරු සඳහන් කරයි.
එමෙන්ම නව යොවුන් පරපුරේ ගායික ගායිකාවන් විසින් ජන අරගලයට ශක්තියක් ලබා දීමට පසුගිය දවසක “පෙරට එනු” යනුවෙන් ගීතයක් එළිදක්වා ඇත.
එම ගීතය නලීන් පෙරේරා, උමාරා සිංහවංශ, මිහිඳු ආරියරත්න, ආදිත්‍යා වැලිවත්ත, දුෂාන් ජයතිලක, ධනුෂ්ක ප්‍රනාන්දු, චන්දුමාල් ප්‍රනාන්දු, ටීනි සහ නවාංජන, සචිත් සහ රුක්මන්ත යන ගායක ගායිකාවන් පිරිසක් එක්ව ගායනා කරයි.
මෙම ගීතයේ පද රචනය, තනු නිර්මාණය ධනුෂ්ක ප්‍රනාන්දු වන අතර සංගීතය දුෂාන් ජයතිලක විසිනි.
අපි මෙලස එම ගීතය ඔබ වෙත ගෙන එනවා.
