බංගලියන් පැරදවූ සිංහයන් සුපිරි වටයට

ආසියානු කුසලාන විස්සයි 20 ක්‍රිකට් තරගාවලියේ ශ්‍රී ලංකාව සහ බංග්ලාදේශය අතර ඊයේ (01) පැවැති තරඟය
කඩුලු 2කින් ජයගැනීමට ශ්‍රී ලංකා කණ්ඩායම සමත්විය.

තරඟයේ කාසියේ වාසිය දිනූ ශ්‍රී ල කා කණ්ඩායමේ නායකයා පළමුව පන්දුවට පහරදීමේ අවස්ථාව බංග්ලාදේශ කණ්ඩායමට ලබා දුනි.

ඒ අනුව පිටියට පිවිසි බංග්ලාදේශ කණ්ඩායම නියමිත පන්දුවාර 20 අවසානයේ දී කඩුලු 7ක් දැවී ලකුණු 183ක් රැස් කිරීමට සමත් වුණි.

එහිදී බංග්ලාදේශ ඉනිම වෙනුවෙන් අෆීෆ් හොසේන් ලකුණු 39ක් රැස්කළ අතර හසන් මිරාස් ලකුණු 38ක් රැස් කළේය.
පන්දු යැවීමේ දී වනිඳු හසරංග සහ චාමික කරු ණාරත්න කඩුලු 2 බැගින් දවා ගත්හ.

ඒ අනුව ලකුණු 184ක ඉලක්කය හඹායාම සඳහා පිටියට පිවිසි ශ්‍රී ලංකා කණ්ඩායම පන්දු ඕවර 19යි පන්දු 2ක් තුළ කඩුලු 8ක් දැවී ජයග්‍රහණය වාර්තා කළේය.

ශ්‍රී ලංකා කණ්ඩායම වෙනුවෙන් කුසල් මෙන්ඩිස් ලකුණු 60 රැස් කළ අතර දසුන් ශානක ලකුණු 45 රැස් කළේය.

ඒ සමඟම ශ්‍රී ලංකා කණ්ඩායම සුපිරි 4 දෙනාගේ වටයට සුදුසුකම් ලැබීය.