“අපේක්ෂාවේ වේදිකා මංගල්‍යය” ටවර් නාට්‍ය උළෙල
ටවර් හෝල් රඟහල පදනම මගින් ඉදිරිපත් කරනු ලබන “අපේක්ෂාවේ වේදිකා මංගල්‍යය” ටවර් නාට්‍ය උළෙල 2023 මෙම මස 09 වනදා සිට 24 වැනිදා දක්වා දිනපතා සවස 3.30 ට සහ 6.30 ට කොළඹ එල්ෆින්ස්ටන් සහ ටවර් රංග ශාලාවන්හිදී පැවැත්වේ.
අපේක්ෂාවේ වේදිකා මංගල්‍යය ටවර් නාට්‍ය උළෙල 2023 යටතේ අද (11 දා) සහ හෙට (12 දා) නාට්‍ය හතරක් වේදිකාගත කෙරේ.
මේ යටතේ අද (11දා) එම්. සෆීර් විසින් අධ්‍යක්‍ෂණය කරන ලද Love and lockdown එල්ෆින්ස්ටන් හිදී සහ චමිල ප්‍රසංක අධ්‍යක්‍ෂණය කළ ‘සඟ වෙද ගුරු ගොවි කම්කරු’ ටවර් රඟහලේදී සවස 3.30ට සහ 6.30ට වේදිකාගත කෙරේ.
ආචාර්ය ජයලත් මනෝරතනයන්ගේ ‘ගුරු තරුව’ එල්ෆින්ස්ටන් රඟහලේදීත් කපිල රස්නායකගේ ‘පිරිමියෙක්ගෙන් පැමිණිල්ලක්’ ටවර් රඟහලේදීත් හෙට (12දා) සවස 3.30ට සහ 6.30ට වේදිකාගත කෙරේ.
