ජයග්‍රහණයේ දිනය සමරන රුසියාව
රුසියාව අද (09) ජයග්‍රහණයේ දිනය සැමරීමට නියමිතව තිබේ.
දෙවන ලෝක යුද්ධයේදී ජර්මනියට එරෙහිව සෝවියට් සංගමය ලැබූ ජයග්‍රහණය මෙහිදී සැමරේ.
ඊට සමගාමීව ඊයේ රාත්‍රියේ ද කියෙව් ඇතුළු යුක්‍රේනයේ නගර රැසකට රුසියානු මිසයිල සහ ඩ්‍රෝන ප්‍රහාර මාලාවක් එල්ල කර ඇති බව වාර්තා වේ.
දින 08ක් තුළ රුසියාව එල්ල කළ සිව්වන ප්‍රහාර මාලාව මෙය වන අතර ඊයේ එල්ල කළ ප්‍රහාරය රුසියාව විසින් සිදුකළ විශාලතම ඩ්‍රෝන ප්‍රහාර මාලාව බව විදෙස් මාධ්‍ය වාර්තා කළේය.
ප්‍රහාරවලින් පුද්ගලයින් 05 දෙනෙකු තුවාල ලබා ඇති බව කියෙව් නගරාධිපතිවරයා ප්‍රකාශ කර තිබේ.
ඉන්ධන ගබඩා, ආහාර ගබඩා ඇතුළු ඉලක්ක වෙත එම ප්‍රහාර එල්ලකර ඇති බව වාර්තා වේ.
