අත්ලාන්තික් සාගරයේ යාත්‍රාවක් ගිලී 30ක් මරුට
ස්පාඤ්ඤයට අයත්, කැනරි දූපත්වලට ඔබ්බෙන් වූ අත්ලාන්තික් සාගරයේ දී යාත්‍රාවක් අනතුරට ලක්වීමෙන් සංක්‍රමණිකයින් 30 දෙනෙකුට වැඩි පිරිසක් මියගොස් තිබෙනවා.
ළදරුවන්, කාන්තාවන් ඇතුලු 60කට අධික පිරිසක් මෙම යාත්‍රාවේ සිට ඇති බවටයි විදෙස් වාර්තා සඳහන් කළේ.
මීට දින කිහිපයකට පෙර ග්‍රීසිය ආසන්නයේ දී ඉතාලිය බලා ගමන් කළ සංක්‍රමණික යාත්‍රාවක් අනතුරට පත්වූ අතර එහිදී 500කට අධික පිරිසක් මියගියා.
ඒ අතර පාකිස්ථාන ජාතිකයන් 300කට අධික පිරිසක් සිට ඇති බවටයි නවතම විදෙස් වාර්තාවල දැක්වෙන්නේ.
