ශ්රී ලංකාව අපරාජිතව සුපිරි හය වටයට
ICC ලෝක කුසලාන ක්රිකට් තරගාවලියේ සුදුසුකම් ලබා ගැනීමේ තරගාවලියේ ශ්රී ලංකා කණ්ඩායම හා ස්කොට්ලන්ත කණ්ඩායම අතර තරගය අද (27) පැවැත්වුනා.
ඒ අනුව තරගයේ කාසියේ වාසිය දිනාගත් ස්කොට්ලන්ත කණ්ඩායම පළමුවෙන් පන්දුවට පහරදීමට ශ්රී ලංකා කණ්ඩායමට ආරාධනා කළ අතර ශ්රී ලංකා කණ්ඩායම පන්දුවාර 49.3 ක් අවසානයේ සියලුදෙනා දැවී ලකුණු 245 ක් ලබා ගත්තා.
පන්දුවට පහරදීමේදී ශ්රී ලංකා කණ්ඩායම වෙනුවෙන් පැතුම් නිස්සංක ලකුණු 75 ක්, චරිත් අසලංක ලකුණු 63 ක්, සධීර සමරවික්රම ලකුණු 26 ක් හා ධනංජය ද සිල්වා ලකුණු 23 ක් ලබා ගත්තා.
පන්දු යැවීමේදී ස්කොට්ලන්ත කණ්ඩායම වෙනුවෙන් Chris Greaves කඩුලු 4 ක්, Chris Sole කඩුලු 2 ක් හා Mark Watt කඩුලු 3 ක් බිඳ හෙළීමට සමත් වුණා.
ඒ අනුව ලකුණු 246 ක ඉලක්කයක් හඹා යාමට පිටියට පිවිසි ස්කොට්ලන්ත කණ්ඩායමට පන්දුවාර 26ක් අවසානයේ සියලු දෙනාම දැවී ලබා ගැනීමට හැකිවුයේ 163ක් පමණයි.
Chris Greaves නොදැවී ලකුණු 56යි.
ශ්රී ලංකාව වෙනුවෙන් පන්දු යැවීමේ දී මහේෂ් තීක්ෂණ කඩුලු 3ක් සහ වනිඳු හසරංග කඩුලු 2ක් දවා ගැනීමට සමත් වුනා.
