“මේරියන්ස්” සංගීත කණ්ඩායම වෙනුවෙන් විශේෂ සමරු කවරයක්
ශ්‍රී ලාංකේය කණ්ඩායම් සංගීතයේ 35 වසරක සංගීත චාරිකාව සම්පුර්ණ කල “මේරියන්ස්” සංගීත කණ්ඩායම වෙනුවෙන් විශේෂ සමරු කවරයක් නිකුත් කිරීම ඊයේ (15) සිදුකෙරුණි.
ඒ තැපැල්පති රුවන් සත්කුමාර මහතාගේ ප්‍රධානත්වයෙන් කොළඹ නෙලුම් පොකුණ රගහල පරිශ්‍රයේදී ය.
ප්‍රථම කවරය මේරියන්ස් සංගීත කණ්ඩායමේ නායක නලීන් පෙරේරා මහතා වෙත තැපැල්පතිවරයා අතින් පිරිනැමුණි.
මෙම අවස්ථාවට තැපැල් දෙපාර්තමේන්තු මෙහෙයුම් ප්‍රධානී නියෝජ්‍ය තැපැල්පති රාජිත රණසිංහ,බස්නාහිර පලාත් නියෝජ්‍ය තැපැල්පති සිසිර කුමාර වල්ලාවිට,අධ්‍යක්ෂ මුද්දර කාර්‍යාංශය ලංකා ද සිල්වා,ප්‍රදේශීය තැපැල් අධිකාරී කොළඹ චම්පික පෙරේරා මහතා ඇතුලු පිරිසක් එක්වුහ.
