බ්‍රිතාන්‍යයේ ගුවන් ගමන් ප්‍රමාදයෙන් මගීන් අපහසුතාවයට
බ්‍රිතාන්‍යයේ ගුවන් ගමන් පාලන පද්ධතියේ හටගත් දෝෂයක් හේතුවෙන් එරට ගුවන් ගමන් ප්‍රමාදයන් සිදුවිය හැකි බවට බලධාරීන් අනතුරු අඟවනවා.
මේ වන විටත් බොහෝ ගුවන් ගමන් වාර ප්‍රමාදවී ඇති බවයි බීබීසී පුවත් සේවය සදහන් කරන්නේ. තාක්ෂණික දෝෂයක් හේතුවෙන් ගුවන් ගමන් සදහා මෙම බාධාව සිදුව තිබෙනවා. දහස් ගණනක් ගුවන් මගීන්ට තම ගුවන් වාරය ආරම්භ කෙරෙන තුරු බලා සිටිමට සිදුව ඇති බවයි විදෙස් මාධ්‍ය සදහන් කරන්නේ.
බ්‍රිතාන්‍යයට පැමිණෙන ගුවන් යානා ද සීමා කිරීමට පියවර ගැනීමත් සමග ගුවන් තොටුපළයන්හි තදබදය තවත් ඉහළ ගොස් තිබෙනවා. තාක්ෂණික දෝෂය යතා තත්ත්වයට පත් කරන තුරු ප්‍රමාදයන්ට මුහුණදීමට සිදුවන බවටයි බලධාරීන් පෙන්වා දෙන්නේ.
