ශ්‍රී ලංකා ක්‍රිකට් කෙල්ලෝ අවසන් මහා තරඟයට සුදුසුකම් ලබයි
චීනයේ පැවැත්වෙන ආසියානු ක්‍රීඩා උළෙලේ කාන්තා ක්‍රිකට් තරගාවලියේ ශ්‍රී ලංකා කාන්තා ක්‍රීඩිකාවන් පාකිස්තාන කාන්තා පිල කඩුලු 6කින් පරදවා අවසන් මහා තරගයට සුදුසුකම් ලබා ගැනීමට අද (24) සමත් වුණා.
ඒ දෙවන අවසන් පූර්ව තරගයෙන් පාකිස්ථානය පරදා කඩුලු 06 ක ජයක් වාර්තා කරමින්.
කාසියේ වාසිය ශ්‍රී ලංකා කණ්ඩායම විසින් දිනාගත් අතර පළමුව පන්දුවට පහර දීමට පාකිස්ථාන ක්‍රීඩිකාවන්ට ආරාධනා කරා, නියමිත පන්දු වාර 20 අවසානයේ කඩුලු 09 ක් දැවී පාකිස්ථාන ක්‍රීඩිකාවන්ට ලබාගත හැකිවූයේ ලකුණු 75 ක් පමණයි.
පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 16 යි පන්දු 4 කදී කඩුලු 4 ක් දැවී ජයග්‍රාහි ලකුණ වාර්තා කළා.
අවසන් මහා තරගය හෙට (25) ශ්‍රි ලංකාව හා ඉන්දියාව අතර පැවැත්වෙන අතර ඒ තරගය ශ්‍රී ලංකා වේලාවෙන් පෙරවරු 11.30 ආරම්භ වීමට නියමිතයි.
19 වන ආසියානු ක්‍රීඩා උළෙල ඊයේ (23) චීනයේ Hangzhou හීදී ආරම්භවු අතර ශ්‍රී ලංකා කාන්තා ක්‍රිකට් කණ්ඩායම සහභාගිවු පළමු තරගයෙන් තායිලන්ත කාන්තා ක්‍රිකට් කණ්ඩායම කඩුලු 7කින් පරාජය කරමින් ජය හිමිකර ගත්තා.
