නිපා ගැන අනිසි බියක් එපා – ආසාදනය වූ කිසිවකු මෙරටින් තවම වාර්තාවී නැහැ – සෞඛ්‍ය අංශ
නීපා වෛරසය ආසාදනය වූ දරුවන් දෙදෙනකු කොළඹ රිජ්වේ ආර්යා ළමා රෝහලේ ප්රතිකාර ලබමින් සිටින බවට පළ වන සමාජ මාධ්‍ය වාර්තා අසත්‍ය බව එම රෝහල් ආරංචි මාර්ග සඳහන් කර සිටිනවා.
මෙම වෛරසයට ගොදුරු වූ බවට සැක කෙරෙන කිසිවකු මේ දක්වා මෙරට කිසිදු ප්‍රදේශයකින් වාර්තාවී නොමැති බව රෝහල් අධ්‍යක්ෂ වෛද්‍ය ජී. වීරසූරිය මහතා සඳහන් කරයි.
වෛරසය රට තුළට පැමිණිය හොත් ඊට අදාළ කටයුතු කිරීමට සෞඛ්‍ය අංශ සූදානමින් සිටින බවයි වීරසූරිය මහතා කියා සිටියේ.
එනිසා වෛද්‍යවරයා වැඩිදුරටත් ජනතාවට දැනුම් දෙන්නේ, පවතින රෝගවලට ප්රතිකාර ගැනීමට රෝහල් වෙත පැමිණීමට අනියත බියක් ඇති කර නොගන්නා ලෙසයි.
