අනාරක්ෂිත ලෙස යතුරු පැදියක පෙම් කෙළිය යුවළ අත්අඩංගුවට (Video)
ආරක්ෂිත හිස් ආවරණ ද නොමැතිව අනාරක්ෂිත ලෙස යතුරු පැදියක ගමන් කළ තරුණ යුවළක් ඉන්දීය පොලිසිය විසින් අත්අඩංගුවට ගෙන තිබෙනවා.
මෙසේ එම යුවළ කාර්ය බහුල මාර්ගයක සාලුවක් පැළඳ ස්කූටරයක ගමන් කරමින් සිටින වීඩියෝවක් මේ වන විට සමාජ මාධ්‍ය හරහා සංසරණය වෙනවා.
අදාළ යුවළ එකිනෙකාට මුහුණලා වාඩි වී තදින් වැළඳගෙන යතුරු පැදියේ ගමන් කර ඇති බවයි විදෙස් මාධ්‍ය වාර්තා කර සිටියේ.
මොවුන්ට එරෙහිව නීතිමය ක්‍රියාමාර්ග ගන්නා ලෙස මුම්බායි රථවාහන පොලිසියෙන් බොහෝ පිරිසක් ඉල්ලා තිබෙනවා.
කෙසේ වෙතත් මුම්බායි රථවාහන පොලිසිය සඳහන් කර සිටියේ මෙම දෙපළ අත්අඩංගුවට ගෙන නීතිය ක්‍රියාත්මක කළ බවයි.
