මෛත්‍රීගේ සහය විජේදාසට – දයාසිරිටත් අභියෝගයක්
මෙවර ජනාධිපතිවරණයේ දී තම සහය ආචාර්ය විජේදාස රාජපක්ෂට ලබා දෙන බව හිටපු ජනාධිපති මෛත්‍රීපාල සිරිසේන පවසනවා.
මේ අතර ඉදිරි අගෝස්තු 08 වන දින සමගි ජන බලවේගය සමග එක්වීමට දයාසිරි ජයසේකර ඇතුළු පිරිසක් මේ වනවිටත් ගිවිසුම්ගතවී සිටින අතර ඒ සම්බන්ධයෙන් ඇතිකරගෙන තිබෙන එකඟතා හැකි නම් අනාවරණය කරන්නැයි හිටපු ජනාධිපති, ශ්‍රී ලංකා නිදහස් පක්ෂයේ හිටපු සභාපති මෛත්‍රීපාල සිරිසේන පවසනවා.
ඔහු විශේෂ නිවේදනයක් නිකුත් කරමින් සඳහන් කර සිටින්නේ ඊයේ (26) පාර්ලිමේන්තු මන්ත්‍රී දයාසිරි ජයසේකර මාධ්‍ය වෙත අදහස් දක්වමින් සිදුකල ප්‍රකාශය තමා පිළිකුලෙන් යුක්තව හෙළා දකින අතර සම්පූර්ණයෙන්ම ප්‍රතික්ෂේප කරන බවය.
හිටපු ජනාධිපති, ශ්‍රී ලංකා නිදහස් පක්ෂයේ හිටපු සභාපති මෛත්‍රීපාල සිරිසේන මාධ්‍ය වෙත නිකුත් කල විශේෂ නිවේදනය සම්පුර්ණයෙන් පහත පරිදි වේ.
