ශ්‍රී ලංකා එංගලන්ත තෙවැනි ටෙස්ට් තරඟය අද
ශ්‍රී ලංකාව සහ එංගලන්තය අතර පැවැත්වෙන තුන්වැනි සහ අවසන් ටෙස්ට් ක්‍රිකට් තරගය අද (06) පස්වරු 3.30ට එංගලන්තයේ ලන්ඩන්හි ඕවල් ක්‍රිකට් ක්‍රීඩාංගණයේදී ආරම්භ වීමට නියමිතයි.
අද පැවැත්වීමට නියමිත තරගයේ වෙනස්කම් දෙකක් සිදුකර තිබෙනවා
ඒ, මීට පෙර තරග කළ නිශාන් මධුෂ්ක වෙනුවට කුසල් මෙන්ඩිස් ද, ප්‍රභාත් ජයසූරිය වෙනුවට විශ්ව ප්‍රනාන්දු ද තරග කිරීමයි.
ඒ අනුව, අද තරගාවලියේ ක්‍රීඩා කිරීමට නියමිත සංචිතය මෙසේය,
ධනංජය ද සිල්වා (නායක), දිමුත් කරුණාරත්න, පැතුම් නිශ්ශංක, කුසල් මෙන්ඩිස්, ඇන්ජලෝ මැතිව්ස්, දිනේෂ් චන්දිමාල්, කමිඳු මෙන්ඩිස්, මිලාන් රත්නායක, විශ්ව ප්‍රනාන්දු, ලහිරු කුමාර, අසිත ප්‍රනාන්දු
