ආනයනික වෙළෙඳ භාණ්ඩ කිහිපයක බදු ඉහළට
ආනයනික වෙළෙඳ භාණ්ඩ කිහිපයක් සඳහා අය කෙරෙන බදු ප්රමාණය ඉහළ නැංවීමට රජය පියවර ගෙන තිබෙනවා .
මුදල් අමාත්යවරයා ලෙස ජනාධිපති අනුර කුමාර දිසානායක මහතා විසින් මෙම වෙළෙඳ භාණ්ඩවල බදු පැනවීමටයි පියවර ගෙන ඇත්තේ .
ඔක්තෝබර් 14 වැනිදා සිට දෙසැම්බර් 31 වැනිදා දක්වා වන කාලසීමාවට අදාළව මෙම නව විශේෂ වෙළෙඳ භාණ්ඩ බද්ද ක්රියාත්මකයි
ඒ අනුව සම්පූර්ණ සහ පියලි කළ මයිසූර් පරිප්පු කිලෝග්රෑමයක් සඳහා සත 25ක බද්දක්ද, සම්පුර්ණ සහ පියලි කළ කහ පරිප්පු කිලෝග්රෑමයට සත 25ක බද්දක්ද පනවා තිබෙනවා .
උම්බලකඩ සහ ඊට ආදේශක භාණ්ඩ සඳහා කිලෝග්රෑමයට රුපියල් 302ක විශේෂ වෙළෙඳ භාණ්ඩ බද්දක් ද එමගින් පනවා ඇති බවයි සඳහන් වන්නේ ..
තවද කටු ගැලවූ මසුන් සහ අනෙකුත් මසුන්ගේ මස් හැර, අලුත් හෝ ශීතකළ මසුන් සඳහා 10%ක් හෝ කිලෝග්රෑමයට රු.400 යන දෙකෙන් ඉහළ අගයක් වන බදු ප්රමාණයක් පනවා තිබෙනවා .