බිහිසුණු අනතුරක් – 5ක් රෝහලේ
ලොරි රථ දෙකක් මුහුණට මුහුණ ගැටීමෙන් බිහිසුණු රිය අනතුරක් සිදුව තිබෙනවා.
අනතුරෙන් අඹු සැමි යුවළක් ඇතුලු පුද්ගලයන් 5 දෙනෙකු තුවාල ලබා රෝහල් ගත කළ බවයි බණ්ඩාරගම පොලිසිය පවසන්නේ.
මෙම අනතුර බණ්ඩාරගම කිඳෙල්පිටිය ප්‍රාථමික විද්‍යාලය ඉදිරිපිටදී සිදුව තිබෙන බවද පොලිසිය පැවසුවා.
අඹුසැමි යුවළ රැගත් ලොරිය කැස්බෑව දෙස සිට බණ්ඩාරගම දෙසට ධාවනය වෙමින් තිබෙන අතර කොන්ත්‍රාත් කටයුතුවල නිරත පුද්ගලයන් තිදෙනෙකු රැගත් ලොරියක් බණ්ඩාරගම සිට කැස්බෑව දෙසට ධාවනය කර තිබෙනවා.
එහිදී ලොරි රථයක් මාර්ගයේ කැරකී ගොස් ප්‍රතිවිරුද්ධ දිශාවෙන් පැමිණි අඹු සැමි යුවළ රැගත් ලොරියේ ගැටීමෙන් මෙම අනතුර වී ඇතැයි පොලිසිය පවසනවා.
