අදත් ගුවන් යානයක බෝම්බ බියක්

ඉන්දියාවේ මුම්බායි නුවර සිට කටුනායක ගුවන් තොටුපොළ වෙත අද (24) දින පැමිණි විස්තාරා ගුවන් යානයක් බෝම්බ බියක් හේතුවෙන හදිසි ගොඩ බස්සවා තිබෙනවා.

එම ගුවන් සේවයේ යූ.කේ.- 131 දරන ගුවන් යානය මෙසේ අද පස්වරු 02.56ට කටුනායක ගුවන් තොටුපොළ වෙත පැමිණ තිබෙනවා.

එයාර් බස් ඒ. 320 වර්ගයේ ගුවන් යානයක් වන මෙම ගුවන් යානය තුළ ගුවන් මගීන් 108 දෙනෙකු සහ කාර්යය මණ්ඩලය 08 දෙනෙකු සිටි බවයි වාර්තා වන්නේ.

කෙසේ වෙතත් මෙම ගුවන් යානයේ බෝම්බ බිය සම්බන්ධයෙන් කිසිදු තර්ජනයක් නති බවයි ගුවන් තොටුපොළ හා ගුවන් සේවා පෞද්ගලික සමාගම නිවේදනය කළේ.