කොළඹ – මීගමුව ප්‍රධාන මාර් ගය භාවිත කරන රියදුරන්ට පොලිසියෙන් දැනුම්දීමක්
හෙට (14) රාත්‍රි 7 සිට කොළඹ – මීගමුව ප්‍රධාන මාර්ගයේ රථවාහන තදබදයක් ඇතිවිය හැකි බව පොලිසිය රියදුරන්ට දැනුම් දෙනවා.
වත්තල පොලිස් වසමේ හැඳල පුරාණ රජමහා විහාරස්ථානයේ ශ්‍රී සම්බුද්ධ ජයන්ති පෙරහර හෙට (14) රාත්‍රි 7 සිට අනිද්දා (15) අලුයම් කාලය දක්වා වීථී සංචාරය කිරීමට නියමිතයි.
ඒ හේතුවෙන් පොලීසිය රියදුරන්ට දැනුම්දෙන්නේ එම කාලය තුළ විකල්ප මාර්ග භාවිත කරන ලෙසයි.
හැඳල පුරාණ රජමහා විහාරස්ථානයෙන් ආරම්භ කරනු ලබන පෙරහර හැඳල මාර්ගය ඔස්සේ හැඳල හන්දිය දක්වා ගමන් කර කොළඹ – මීගමුව මාර්ගය හරහා ගොස් පරණ මීගමුව මාර්ගය ඔස්සේ ගමන්කර නැවත කොළඹ මීගමුව ප්‍රධාන මාර්ගයට පිවිස අල්විස් ටවුන්, හැඳල හන්දිය ඔස්සේ නැවත විහාරස්ථානයට පැමිණීමට නියමිතයි.
