තවත් අනතුරක්
කොළඹ – නුවර මාර් ගයේ උතුවන්කන්ද ප්‍රදේශයේ නුවර දෙසට ධාවනය වෙමින් තිබු ලොරි රථයක් රියදුරුට පාලනයෙන් ගිලිහි අනතුරක් සිදුව තිබේ.
එහිදී අදාළ ලොරි රථය තවත් ලොරියක හා ගොඩනැගිලි දෙකකට හානි කරමින් අනතුරට පත්ව ඇතැයි කෑගල්ල පොලීසිය පවසයි.
මහනුවර සිට කොළඹ බලා ධාවනය වු ලොරි රථයේ රියදුරා හා සහයකයා ආහාර ගැනීම සඳහා හෝටලයක් ආසන්නයේ සිය ලොරි රථය නවතා තිබේ.
එහිදී කොළඹ සිට නුවර දෙසට ධාවනය වු ලොරි රථයේ රථයේ රියදුරාට නින්ද යාම හේතුවෙන් මාර්ගයේ දකුණු පසට ධාවනය වි නවතා තිබු ලොරියේ වැදි මෙම අනතුර සිදුව තිබේ.
අනතුරින් කිසිවෙකුටත් හානි සිදුවී නොමැති අතර සිද්ධිය සම්බන්ධයෙන් අදාළ ලොරි රථයේ රියදුරු පොලීසිය විසින් අත්අඩංගුවට ගෙන තිබේ.
සිද්ධිය සම්බන්දයෙන් කෑගල්ල පොලීසිය විමර්ශණ ආරම්භ කර ඇති අතර සිදුව ඇති හානිය තක්සේරු කර නොමැති බවද පොලීසිය පවසයි.
