තියුණු සටනකින් පසු නවසීලන්තයට ජයක්

ශ්‍රී ලංකාව හා නවසීලන්තය අතර අද (28) පැවැති පළමු 20යි 20 තරගය ලකුණු 8කින් ජයගැනීමට නවසීලන්ත කණ්ඩායම සමත්විය.

තරගයේ කාසියේ වාසිය දිනාගැනීමට ශ්‍රී ලංකා කණ්ඩායම සමත්වූ අතර ශ්‍රී ලංකා නායක චරිත් අසලංක පළමුව පන්දු යැවීමට තීරණය කළේය.

ඒ අනුව පළමුව පන්දුවට පහරදුන් නවසීලන්ත කණ්ඩායම පන්දුවාර 20 තුළදී කඩුලු 8ක් දැවී ලකුණු 172ක් රැස්කිරීමට සමත් විය.

කෙසේ නමුත් මෙහිදී නවසීලන්තයට සාර්ථක ආරම්භයක් ලබාගැනීමට නොහැකි විය.

ඔවුන්ගේ ආරම්භක පිතිකරු යුගළය වූ ටිම් රොබින්සන් හා රචින් රවින්ද්‍රා මුලු ලකුණ 21දී දවාගැනීමට බිනුර ප්‍රනාන්දුට හැකිවිය.

එමෙන්ම එම ආරම්භය තවදුරටත් සාර්ථක කරගත් ශ්‍රී ලංකා පන්දු යවන්නන් නවසීලන්ත ලකුණු පුවරුව 65ක් වද්දී ඉදිරිපෙළ පිතිකරුවන් පස් දෙනෙකුම යළි ක්‍රීඩාගාරය වෙත හරවා යැවීමට කටයුතු කළේය.