දුරකතන ගාස්තු ඉහළ දැමූ කතාව අසත්‍යක්
ජංගම දුරකතන සේවා සපයන සමාගම් දුරකතන පැකේජයන්වල මිල ඉහළ දමා ඇති බවට පළ වන වාර්තා අසත්‍ය බව විදුලි සංදේශ නියාමන කොමිෂන් සභාව අවධාරණය කළා.
එම කොමිසමේ තරගකාරීත්ව අංශයේ අධ්‍යක්ෂක ඉන්ද්‍රජිත් හදපාන්ගොඩ මාධ්‍ය වෙත විශේෂ ප්‍රකාශයක් සිදු කළා.
ඔහු සඳහන් කළේ, එවැනි මිල ඉහළ දැමීමක් සිදුකර නොමැති බවට සියලු දුරකතන සේවා සපයන සමාගම් ලිඛිතව දැනුම් දී ඇති බවයි.
