බැසිල්ගේ ඉල්ලීමට IMF දුන්න ප්රතිචාර ලිපිය හර්ෂ එළියට දායි
සමගි ජන බලවේගයේ පාර්ලිමේන්තු මන්ත්රී හර්ෂ ද සිල්වා විසින් ශ්රී ලංකාවේ ආර්ථිකය පිළිබඳ උපදෙස් සඳහා මුදල් අමාත්ය බැසිල් රාජපක්ෂගේ ඉල්ලීමට ජාත්යන්තර මූල්ය අරමුදලේ (IMF) ප්රතිචාරය ප්රකාශයට පත් කර ඇත.
ශ්රී ලංකාවේ වත්මන් ආර්ථික තත්ත්වය සම්බන්ධයෙන් විශේෂඥ උපදෙස් ලබා දෙන ලෙස ශ්රී ලංකාව ජාත්යන්තර මූල්ය අරමුදලට ලිඛිතව දැනුම් දී ඇති බව අමාත්ය රාජපක්ෂ ඊයේ ප්රකාශ කළ බව මීට පෙර වාර්තා විය.
ජාත්යන්තර මූල්ය අරමුදලේ නියෝජිතයින් නුදුරේදීම මෙරටට පැමිණෙනු ඇතැයි ශ්රී ලංකාව අපේක්ෂා කරන බවද ඔහු වැඩිදුරටත් පවසා තිබුණා.
මුදල් අමාත්යවරයාගේ ප්රකාශය පැහැදිලි කරමින් ශ්රී ලංකා මහ බැංකුවේ (CBSL) අධිපති අජිත් නිවාඩ් කබ්රාල් පැවසුවේ මුදල් අමාත්යවරයාගේ ප්රකාශය මුදල් අමාත්යාංශයේ අලුතින් ස්ථාපිත කරන ලද සාර්ව මූල්ය ඒකකය සඳහා සාමාන්ය තාක්ෂණික සහාය ලබා ගැනීම පිළිබඳව පමණක් බවයි.
මුදල් අමාත්යවරයාගේ ඉල්ලීමට ජාත්යන්තර මූල්ය අරමුදලේ ප්රතිචාරය පාර්ලිමේන්තු මන්ත්රී හර්ෂ ද සිල්වා විසින් සමාජ මාධ්යවල ප්රකාශයට පත් කර ඇත.
එහි ලිපියේ, IMF පවසන්නේ, “IMF මූල්ය කටයුතු දෙපාර්තමේන්තුව (FAD) දකුණු ආසියානු පුහුණු සහ තාක්ෂණික සහාය මධ්යස්ථානය (SARTTAC) සමඟ එක්ව මුදල් ඇමතිගේ ඉල්ලීමට යහපත් ප්රතිචාර දැක්වීමට හැකි වනු ඇත.”යනුවෙනි
