පාස්කු නඩු තීන්දුව – මෛත්රීපාලට ඇතුළු පිරිසකට පාස්කු වින්දිතයින්ට වන්දි ගෙවන්නැයි නියෝග
පාස්කු ප්රහාරය සම්බන්ධයෙන් හිටපු ජනාධිපති මෛත්රීපාල සිරිසේන, හිටපු ආරක්ෂක ලේකම් හේමසිරි ප්රනාන්දු, හිටපු පොලිස්පති පූජිත් ජයසුන්දර, ජාතික බුද්ධි ප්රධානී සිසිර මෙන්ඩිස් සහ හිටපු රාජ්ය බුද්ධි ප්රධානී නිලන්ත ජයවර්ධන පාස්කු ප්රහාරය වැළැක්වීමට අපොහොසත් වීමෙන් මූලික අයිතිවාසිකම් කඩ කර ඇති බවට ශ්රේෂ්ඨාධිකරණය තීරණය අද (12) තීරණය කළා.
ඒ අනුව වින්දිතයින්ට වන්දි ගෙවන ලෙසයි විත්තිකරුවන්ට ශ්රේෂ්ඨාධිකරණය නියෝග කළේ.
අගවිනිසුරු ජයන්ත ජයසූරිය, බුවනෙක අලුවිහාරේ, එල්.ටී.බී දෙහිදෙණිය, මුර්දු ප්රනාන්දු, එස්.තුරෙයිරාජා, ඒ.එච්.එම්.ඩී නවාස්, ශිරාන් ගුණරත්න යන මහත්ම මහත්මීන්ගේ සමන්විත සත් පුද්ගල ශ්රේෂ්ඨාධිකරණ විනිසුරු මඩුල්ල විසින් එම තීන්දුව ප්රකාශයට පත් කරනු ලැබීය.
බෝම්බ ප්රහාරයෙන් සිය දරු දෙදෙනා මිය ගිය පියකු වන නන්දන සිරිමාන්න, සංචාරක ව්යපාරිකයකු වන ජනත් විදානගේ, සරත් ඉද්දමල්ගොඩ ඇතුළු කතෝලික පියතුමන්ලා තිදෙනෙකු, ෂැංග්රිලා බෝම්බ ප්රහාරයෙන් තුවාල ලැබූ නීතීඥ මෝදිත ඒකනායක ඇතුළු පිරිසක් විසින් මෙම මූලික අයිතිවාසිකම් පෙත්සම් 12ක් ගොනුකර තිබුණි.