කලා උපාධිධාරීන් සඳහා සය මාසික තොරතුරු තාක්ෂණ පාඨමාලාවක්
විශ්වවිද්යාලයෙන් පිටවන කලා උපාධිධාරීන් සඳහා ඔවුන්ගේ කැමත්ත මත සය මාසික තොරතුරු තාක්ෂණ පාඨමාලාවක් හඳුන්වාදීමට කටයුතු කරන බව තාක්ෂණ රාජ්ය අමාත්ය කනක හේරත් පවසනවා
ස්ථාවර රටකට සැවොම එක මඟකට මැයෙන් ජනාධිපති මාධ්ය කේන්ද්රයේ ඊයේ (13) සංවිධානය කර තිබූ මාධ්ය හමුවට එක්වෙමින් රාජ්ය අමාත්යවරයා මේ බව කියා සිටියා.
මේ අතර ශ්රී ලංකාව කඩිනම් ඩිජිටල්කරණයට රැගෙන යෑමේ අරමුණින් DIGIECON 2030 වැඩසටහන එළැඹෙන ඔක්තෝබර් මාසයේදී ආරම්භ කරන බව තාක්ෂණ රාජ්ය අමාත්ය කනක හේරත් පවසනවා.
ජනාධිපති රනිල් වික්රමසිංහ මහතාගේ උපදෙස් මත ක්රියාත්මක මෙම වැඩසටහන රටේ තාක්ෂණික හුවමාරුව, ජාත්යන්තර තාක්ෂණික ප්රමිතීන් භාවිතයට ගැනීම ඇතුළු අංශ කිහිපයක් මුල්කර ගනිමින් ආරම්භ වන බව ද රාජ්ය අමාත්යවරයා පෙන්වා දුන්නා.
සෑම පුරවැසියකුටම නව ඩිජිටල් හැඳුනුම්පතක් ලබා දීමට ද ඉදිරියේදී කටයුතු කරන බව කනක හේරත් වැඩි දුරටත් සඳහන් කළා.