පාස්කු ප්රහාරයෙන් පසු තහනම් කළ ඉස්ලාමීය සංවිධාන 5ක තහනම ඉවතට
පාස්කු ඉරිදා ත්රස්ත ප්රහාරයෙන් පසු තහනම් කරන ලද ඉස්ලාමීය සංවිධාන පහක තහනම දැඩි කොන්දේසි මත තාවකාලිකව ඉවත් කිරීමට කටයුතු කර තිබෙනවා.
හිටපු ජනාධිපති ගෝඨාභය රාජපක්ෂ මහතා විසින් 2021 වසරේදී ගැසට් නිවේදනයක් මගින් ඉස්ලාමීය සංවිධාන 11ක් තහනම් කිරීමට පියවර ගෙන තිබුණා.
2019 අප්රෙල් මස 21 වැනිදා එල්ල වූ පාස්කු ඉරුදින ත්රස්ත ප්රහාරයේ විමර්ශනයන්ට අදාළව ඉස්ලාමීය සංවිධාන 11ක් තහනම් කිරීමට පියවර ගත් අතර ඉන් අනතුරුව බුද්ධි අංශ විශේෂඥයින් ගෙන් සැදුම්ලත් කමිටුවක් මගින් මෙම සංවිධානවල ක්රියාකාරිත්වය පිළිබඳව දැඩි නිරීක්ෂණයක් සිදු කර තිබෙනවා.
ඒ අනුව ජමියතුල් අන්සාරි සුන්නතුල් මොහොමදියා,ශ්රී ලංකා තවුහිද් ජමාත්, සමස්ත ලංකා තවුහිද් ජමාත්,ලංකා තවුහිද් ජමාත්, එක්සත් තවුහිද් ජමාත් යන ඉස්ලාමීය සංවිධාන 5හි තහනම දැඩි කොන්දේසි මත තාවකාලිකව ඉවත් කිරීමට කටයුතු කර තිබෙන බව ආරක්ෂක අමාත්යාංශ ආරංචිමාර්ග පවසනවා.
කෙසේවෙතත් මෙය තාවකාලික ඉවත්කිරීමක් වන අතර තවදුරටත් බුද්ධි අංශ විසින් ඔවුන්ගේ ක්රියාකාරකම් සහ අරමුදල් රැස්කිරීම් පිළිබඳව දැඩි අවධානයෙන් කටයුතු කරන බවයි වාර්තා වන්නේ.
පනවා ඇති දැඩි කොන්දේසි උල්ලංඝනය කළහොත් ඕනෑම අවස්ථාවකදී මෙම සංවිධාන යළි තහනම් කිරීමට පියවර ගන්නා බවයි ආරක්ෂක අමාත්යාංශ ආරංචිමාර්ග සඳහන් කළේ.