විදුලි ගාස්තු ඉහළට

මහජන උපයෝගීතා කොමිසම මඟින් අද(20) සිට විදුලි ගාස්තු ඉහළ නැංවීම සඳහා විදුලිබල මණ්ඩලයට අවසර ලබාදී තිබෙනවා.

මෙම වසරේ විදුලි ගාස්තු සංශෝධනයක් සිදුවන තුන්වන වාරය මෙයයි.

ඒ අනුව,

1. බින්දුවේ සිට 30 දක්වා ඒකකයක් සඳහා රුපියල් 10ක්ව පැවති ගාස්තුව රුපියල් 12 දක්වා ඉහළට
2. 150ක්ව පැවති ස්ථාවර ගාස්තුව රුපියල් 180ක් දක්වා ඉහළට
3. 31 සිට 60 දක්වා ඒකකයක් සඳහා රුපියල් 25ක්ව පැවති ගාස්තුව රුපියල් 30ක් දක්වා ඉහළට. ස්ථාවර ගාස්තුවද රුපියල් 300 සිට 360 ක් දක්වා ඉහළට
4. 61 සිට 90 දක්වා ඒකකයක් සඳහා රුපියල් 35 ක්ව පැවති ගාස්තුව රුපියල් 41ක් දක්වා ඉහළට
5. රුපියල් 400 වූ ස්ථාවර ගාස්තුව රුපියල් 480ක් දක්වා ඉහළට
6. 91 සිට 120 දක්වා ඒකකයක් සඳහා රුපියල් 50ක් ලෙස පැවති ගාස්තුව රුපියල් 59ක් දක්වා ඉහළට. එහි ස්ථාවර ගාස්තුව රුපියල් දහසේ සිට 1180 ක් දක්වා ඉහළදමා ඇත.
7. 121 සිට 180 ක් දක්වා ඒකකයක් සඳහා රුපියල් 50 ක්ව පැවති ගාස්තුවද රුපියල් 59 ක් දක්වා ඉහළට. ඒ අනුව ස්ථාවර ගාස්තුව රුපියල් 1500 සිට 1,770 ක් දක්වා වැඩි වෙනවා.
8. ඒකක 181න් ඉහළ විදුලි පරිභෝජනය කරන්නන් සඳහා ඒකකයක් සඳහා පැවති රුපියල් 75ක ගාස්තුව රුපියල් 89ක් දක්වා ඉහළට.එහි ස්ථාවර ගාස්තුව රුපියල් 2,000 සිට ඉහළ දමා ඇත්තේ රුපියල් 2,360 ක් ලෙසයි.