ක්රිකට් තහනමට මොකද වෙන්නේ ?
අන්තර්ජාතික ක්රිකට් සභාව (අයි.සී.සී.) ශ්රී ලංකා ක්රිකට් සාමාජිකත්වය අත්හිටුවමින් පනවා ඇති තහනම ලබන පෙබරවාරි මස 15 වැනිදාට පෙර ඉවත්කරනු ඇතැයි විශ්වාස කරන බව සංචාරක හා ඉඩම්, ක්රීඩා හා යෞවන කටයුතු අමාත්ය හරීන් ප්රනාන්දු ඊයේ (11) ප්රකාශ කළා
ශ්රී ලංකාවේ සංචාරයක නිතරව සිටින අන්තර්ජාතික ක්රිකට් සභාවේ ප්රධාන විධායක නිලධාරී ජෙෆ් ඇලර්ඩිස් මහතා සමඟ පැවැති සාකච්ඡාවේදී ඒ මහතා එවැනි ඉඟියක් කළ බවයි ඒ මහතා සඳහන් කළේ.
පෙබරවාරි මස 15 වැනිදාට පෙර ශ්රී ලංකා ක්රිකට් වෙත පනවා ඇති තහනම ඉවත් නොකළ හොත් ලබන ජූනි මස ශ්රී ලංකාවේදී පැවැත්වීමට නියමිත අන්තර්ජාතික ක්රිකට් සභාවේ වාර්ෂික සමුළුව ද ශ්රී ලංකාවට අහිමි වන බවත් එසේ වුවහොත් එය මෙරට විශාල පාඩුවක් බවත් අමාත්ය හරීන් ප්රනාන්දු මහතා වැඩි දුරටත් කියා සිටියා