ලෝක බැංකුවෙන් ඩොලර් මිලියන 200ක්
ලෝක බැංකුව සහ ශ්රී ලංකා රජය ඩොලර් මිලියන 200ක ගිවිසුමකට අද (07) අත්සන් තබා ඇති බව ජනාධිපති මාධ්ය අංශය පවසනවා.
ශ්රී ලංකාවේ ආර්ථික ප්රකෘතිය සහ ප්රතිසංස්කරණ වැඩපිළිවෙළට තවදුරටත් සහාය වීම සඳහා ලෝක බැංකු සමූහයේ (WBG) ජාත්යන්තර සංවර්ධන සංගමය(IDA) මඟින් තවත් ඇමෙරිකානු ඩොලර් මිලියන 200ක මුල්ය පහසුකමක් ලබා දීමට අනුමැතිය ලැබී තිබෙනවා.
ඊට අදාළ ණය ගිවිසුමට අත්සන් තැබීම අද (07) පෙරවරුවේ ජනාධිපති කාර්යාලයේදී ජනාධිපති අනුර කුමාර දිසානායක මහතා ඉදිරියේ සිදු වූ අතර ශ්රී ලංකා රජය වෙනුවෙන් මුදල් අමාත්යාංශයේ ලේකම් කේ. එම්. මහින්ද සිරිවර්ධන මහතා සහ ලෝක බැංකුවේ ශ්රී ලංකාව සඳහා වන අධ්යක්ෂ ඩේවිඩ් සිස්ලෙන් මහතා විසින් ඊට අත්සන් තබා තිබෙනවා.