මොඩියුලය පිළිබඳ විමර්ශනයට විනය පරීක්ෂණ මණ්ඩලයක්
ප්රශ්නගත 6 ශ්රේණිය ඉංග්රීසි මොඩියුලය සම්බන්ධයෙන් පරීක්ෂණ පැවැත්වීම සඳහා විනය පරීක්ෂණ මණ්ඩලයක් අද (07) පත් කරන බව අධ්යාපන අමාත්යාංශය පවසයි.
එහි ලේකම් නාලක කළුවැව පැවසුවේ සිද්ධිය සම්බන්ධයෙන් කළ මූලික පරීක්ෂණ වාර්තාවේ නිර්දේශ අනුව එම කමිටුව පත් කරන බවයි.
ඒ සඳහා ජාතික අධ්යාපන ආයතනයේ පාලක සභාවේ අනුමැතිය හිමිවූ බවද ඔහු ප්රකාශ කළේ ය.
ඉංග්රීසි මොඩියුලයට නුසුදුසු වෙබ් අඩවියක නම ඇතුළත් කිරීමට කටයුතු කළ පුද්ගලයින්ට එරෙහිව විධිමත් විනය පියවර ගැනීමට අදාළ කරුණු විමර්ශනය එම කමිටුව හරහා සිදුකෙරෙනු ඇත.
අධ්යාපන අමාත්යාංශ ලේකම්වරයා කළ පැමිණිල්ලකට අනුව සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව සිදුකරන විමර්ශන ද, කඩිනම් කර තිබේ.
පරීක්ෂණවලට සහය දැක්වීම සඳහා ජාතික අධ්යාපන ආයතනයේ අධ්යක්ෂ ජනරාල්වරිය ද, පසුගියදා තාවකාලිකව සිය ධුරයෙන් ඉවත් විය.