අද ප්රදේශ කිහිපයකට වැසි ස්වල්පයක්
බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්වලත් වැසි ස්වල්පයක් ඇති විය හැකි බව කාලගුණ විද්යා දෙපාර්තමේන්තුව නිවේදනය කරනවා.
දිවයිනේ සෙසු ප්රදේශවල ප්රධාන වශයෙන් වැසි රහිත කාලගුණ තත්ත්වයක් පවතිනු ඇති බව යි වාර්තා වන්නේ.
දිවයින වටා වන මුහුදු ප්රදේශවල සුළං නිරිත දෙසින් හමා එන අතර, සුළඟේ වේගය පැයට කිලෝ මීටර් (30-40) පමණ විය හැකි යි.
පුත්තලම සිට මන්නාරම හරහා කන්කසන්තුරය දක්වා සහ හම්බන්තොට සිට පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය විටින් විට පැයට කිලෝ මීටර් (40-50) දක්වා වැඩි විය හැකි බව යි කාලගුණවිද්යා දෙපාර්තමේන්තුව පවසන්නේ.
පුත්තලම සිට මන්නාරම හරහා කන්කසන්තුරය දක්වා සහ හම්බන්තොට සිට පොතුවිල් දක්වා වෙරළට ඔබ්බෙන් වන මුහුදු ප්රදේශ විටින් විට රළු වනු ඇති.
දිවයින වටා වන සෙසු මුහුදු ප්රදේශ මද වශයෙන් රළු විය හැකි බවත් කාලගුණවිද්යා දෙපාර්තමේන්තුව වැඩිදුරටත් නිවේදනය කරනවා.