උඩුවේ ධම්මාලෝක හිමියන් අත්අඩංගුවට ගන්නැයි නියෝග
උඩුවේ ධම්මාලේක හිමි වහාම අත්අඩංගුවට ගෙන අධිකරණයට ඉදිරිපත් කරන්නැයි කොළඹ අතිරේක මහේස්ත්රාත් අධිකරණය අද නියෝග කළේය. එම අධිකරණයේ ක්රියාත්මක නඩුවක් සඳහා ධම්මාලෝක හිමි පෙනී නොසිටීම හේතුවෙන් මෙම නියෝගය නිකුත් කර තිබේ.
අධික ශබ්දයෙන් ශබ්ද විකාශන යන්ත්ර භාවිතා කිරීම හරහා මහජනයාට බාධා සිදු කිරීම සම්බන්ධයෙන් උඩුවේ හිමිට එරෙහිව මෙම නඩුව පවරා තිබෙන්නේ ඉන්දියාවේ මෙරට මහ කොමසාරිස් ධුරයෙහි කටයුතු කරන මිලින්ද මොරගොඩ, පරිසර යුක්ති කේන්ද්රය ඇතුළු පාර්ෂව 06කින් වන අතර අපරාධ නඩු විධාන සංග්රහයේ 98 වැනි වගන්තිය ප්රකාරව ප්රදේශයේ සිදුවන ශබ්ද දූෂණය වැලැක්වීම සඳහා අධිකරණයේ බලය ඉල්ලා සිටියා.
ඇලන් මැතිනියාරාමයේ ශබ්ද විකාශන යන්ත්රවල ශබ්ද විකාශන යන්ත්රවලින් නිකුත් වන විස්තීරණ ශබ්දවලට සවන් දීමට තම අකමැත්තෙන් කටයුතු කළ බව පැමිණිලිකරුවන් හයදෙනා වන ගාවින්ද ජයසිංහ, වෛද්ය කාලිංග කළුපෙරුම, ඩිරේන් ආර්. හලොක්, මිලින්ද මොරගොඩ, කමලේෂ් ජෝන්පිල්ලෙයි සහ පරිසර යුක්ති කේන්ද්රය අධිකරණයට දන්වා තිබෙනවා.
මෙම නඩුව ඔක්තෝබර් මස 31 වැනිදා යළි කැඳවීමටයි අධිකරණය තීරණය කළේ.