වැසි තත්ත්වයේ සුළු වැඩි වීමක්
ඊයේ (19) දිනයට සාපේක්ෂ ව අද සහ හෙට යන දෙදින තුළ වැසි තත්ත්වයේ සුළු වැඩි වීමක් අපේක්ෂා කළ හැකි බව කාලගුණ විද්යා දෙපාර්තමේන්තුව නිවේදනය කරනවා.
බස්නාහිර, සබරගමුව, මධ්යම, වයඹ සහ උතුරු පළාත්වලත් ගාල්ල සහ මාතර දිස්ත්රික්වලත් විටින් විට වැසි හෝ ගිගුරුම් සහිත වැසි ඇති විය හැකි යි.
බස්නාහිර,සබරගමුව, මධ්යම සහ වයඹ පළාත්වලත් ගාල්ල සහ මාතර දිස්ත්රික්වලත් ඇතැම් ස්ථානවලට මිලි මීටර් 100ක පමණ තද වැසි ඇති වීමේ හැකියාවක් ද පවතින බව සඳහන්.
දිවයිනේ සෙසු ප්රදේශවල සවස් කාලයේ දී හෝ රාත්රී කාලයේ දී වැසි හෝ ගිගුරුම් සහිත වැසි ඇති වනු ඇති.
මධ්යම කඳුකරයේ බටහිර බෑවුම් ප්රදේශවලත් දකුණු පළාතෙත් විටින් විට හමන පැයට කිලෝ මීටර් (40-45)ක පමණ තද සුළං ඇති විය හැකි බව ද වාර්තා වනවා.
ගිගුරුම් සහිත වැසි සමඟ ඇති විය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස යි කාලගුණ විද්යා දෙපාර්තමේන්තුව ජනතාවගෙන් ඉල්ලා සිටින්නේ.