අධිකරණය මෛත්රීගේ වත්කම් සොයයි
පාස්කු ඉරුදින ත්රස්ත ප්රහාර සිද්ධියට අදාළව ගොනු කෙරුණු මූලික අයිතිවාසිකම් පෙත්සම්වලට අදාළ වන්දි සම්පූර්ණයෙන්ම ගෙවීමට අපොහොසත් වූ හිටපු ජනාධිපති මෛත්රීපාල සිරිසේන මහතාට තම වත්කම් හා බැරකම් දිවුරුම් ප්රකාශයක් මාර්ගයෙන් අධිකරණයට ඉදිරිපත් කළ යුතු බව ශ්රේෂ්ඨාධිකරණය අද (02) නියෝග කළා.
හිටපු ආරක්ෂක ලේකම් හේමසිරි ප්රනාන්දු, හිටපු පොලිස්පති පූජිත් ජයසුන්දර සහ රාජ්ය බුද්ධි සේවයේ හිටපු ප්රධානී නිලන්ත ජයවර්ධන යන පිරිසට ද ශ්රේෂ්ඨාධිකරණය එම නියෝගය කළ බව වාර්තා වෙනවා.
දෙසැම්බර් මස 30 වනදා ට පෙර එම දිවුරුම් ප්රකාශ ඉදිරිපත් කරන ලෙස එහි දී නියෝග කළා.
පාස්කු ප්රහාරයට අදාළව ගොනුකෙරුණු මූලික අයිතිවාසිකම් පෙත්සම් 13ක් අද කැඳවූ අවස්ථාවේ දී එම නියෝග නිකුත් කළේය.
පාස්කු ඉරුදින ත්රස්ත ප්රහාර සිද්ධිය සම්බන්ධයෙන් ගොනු කර තිබෙන මූලික අයිතිවාසිකම් පෙත්සම්වල වගඋත්තරකරු වශයෙන් නම් කර සිටින රාජ්ය බුද්ධි සේවයේ හිටපු ප්රධානී නිලන්ත ජයවර්ධන සම්බන්ධයෙන් ගනු ලැබූ විනය ක්රියාමාර්ග පිළිබඳ සවිස්තර වාර්තාවක් දෙසැම්බර් මස 30 වන දාට පෙර ගොනුකරන ලෙස ශ්රේෂ්ඨාධිකරණය නීතිපතිවරයාට නියම කළ බව වැඩිදුරටත් වාර්තා වෙනවා.