ඉන්ධන මිල යළි ඉහළ ගිය හැටි

ඊයේ (02) මධ්‍යම රාත්‍රියේ සිට ක්‍රියාත්මක වන පරිදි සියලු ඉන්ධන මිල ගණන් ඉහළ දැමීමට ලංකා ඛනිජ තෙල් සංස්ථාව පියවර ගෙන තිබේ.

ඒ අනුව ලංකා සුදු ඩීසල් ලීටරයක මිල රුපියල් 10කින් ඉහළ දමා ඇති අතර එහි නව මිල රුපියල් 392ක් වේ.

සුපිරි ඩීසල් ලීටරයක මිල රුපියල් 15කින් ඉහළ දැමීමට පියවර ගෙන ඇත.

ඒ අනුව එහි නව මිල රුපියල් 458ක් වන බව ලංකා ඛනිජ තෙල් සංස්ථාව සඳහන් කළේය.

ඔක්ටේන් 95 වර්ගයේ පෙට්‍රල් ලීටරයක මිල රුපියල් 15කින් ඉහළ දමා ඇති අතර එහි නව මිල වන්නේ, රුපියල් ‍470කි.

ඔක්ටේන් 92 වර්ගයේ පෙට්‍රල් ලීටරයේ මිල රුපියල් 12කින් ඉහළ දමා ඇති අතර එහි නව මිල රුපියල් 410ක් ලෙස දැක්වෙයි.

ලංකා භූමිතෙල් මිල රුපියල් 10කින් ඉහළ දැමීමට පියවර ගෙන ඇත.

ඒ අනුව එහි නව මිල රුපියල් 265ක් වන බව ලංකා ඛනිජ තෙල් සංස්ථාව වැඩිදුරටත් සඳහන් කරයි.
……………………………………………………..
ලංකා ඛනිජ තෙල් නීතිගත සංස්ථාව ඊයේ (02) මධ්‍යම රාත්‍රියේ සිට ඉන්ධන ඉහළ දැමීමත් සමග ලංකා ඉන්දියන් ඔයිල් සමාගම සමාගමද සිය මිල ගණන් ඉහළ නංවා තිබේ.

ඒ අනුව ලංකා ඔටෝ ඩීසල් මිල සහ පෙට්‍රල් 92 මිල සංශෝධනය කර ඇති අතර අනෙක් මිල ගණන් නොවෙනස්ව පවතින බවද ලංකා ඉන්දියන් ඔයිල් සමාගම සඳහන් කර ඇත.

ඒ අනුව ලංකා ඔටෝ ඩීසල් මිල රුපියල් 392ක් දක්වා ඉහළ නංවා ඇති අතර පෙට්‍රල් 92 රුපියල් 410ක් දක්වා ඉහළ නංවා තිබේ.

එමෙන්ම අනෙකුත් මිල ගණන් කිසිදු මිල සංශෝධනයක් සිදු නොකිරීමටද ලංකා ඉන්දියන් ඔයිල් සමාගම පියවර ගෙන ඇත.

මේ අතර අද (03) සිට ක්‍රියාත්මක වන පරිදි සයිනොපෙක් සමාගමද සිය ඉන්ධන මිල ගණන් සංශෝධනය කර තිබේ.

ඒ අනුව ලංකා ඔටෝ ඩීසල් මිල රුපියල් 392ක් දක්වා ඉහළ නංවා ඇති අතර පෙට්‍රල් 92 රුපියල් 410ක් දක්වා ඉහළ නංවා තිබේ.