එන්නතට බයේ ගස් උඩ නැගලා
‘කොවිඩ් 19’ ප්රතිශක්තිකරණ එන්නත ලබා ගැනීමට බියවුණු ඉන්දියාවේ උත්තර ප්රදේශ් ප්රාන්තයේ ගැමියන් පිරිසක්, ගස්වලට නැග බේරීමට උත්සාහ කළ බවත්, ඇතැමුන් සෞඛ්ය නිලධාරීන් සමඟ ගුටිබැට හුවමාරු පවා ඇති කරගත් බවත් ඉන්දීය මාධ්ය වාර්තා කරයි.
‘කොවිඩ් 19’ සම්බන්ධයෙන් මෙම ගැමියන්ට කිසිදු අවබෝධයක් නොමැති බවත්, ඒ ගැන ඔවුන් දැනුවත් කරමින් එන්නත් ලබා දීමට යෑමේ දී තමන් අකරතැබ්බ රැසකට මුහුණ දුන් බවත් සෞඛ්ය බලධාරීහු වැඩි දුරටත් කියා සිටිති.
මේ වනවිට සමස්ත වශයෙන් ඉන්දියානුවන්ගෙන් සියයට 95 පළමු එන්නත ලබා ගෙන ඇත. දෙවැනි එන්නත ලබා ගෙන ඇත්තේ සියයට 65 ක් පමණි. මේ වනවිට ඉන්දියානුවන්ට බූස්ටර් එන්නත ලෙස තෙවැනි එන්නතක් ද ලබා දීම ආරම්භ කර ඇති අතර, පළමුවෙන් එම තෙවැනි එන්නත ලබා දෙන්නේ 60 ට වැඩි වැඩිහිටියන්ට සහ සෞඛ්ය අංශ සාමාජිකයන්ටය.