ලහිරු කලකට පස්සේ රසිකයින්ට දැනෙන සංවේදී ගීතයක් කරයි
ලහිරු පෙරේරා කියන්නේ ලංකාවේ සංගීතයට නව ට්‍රෙන්ඩ් එකක් ගෙන ආ ගායකයෙක්.ලහිරු බයිලා වර්ගයේ ගීත සහ, හදවතට දැනෙන ගීත රැසක් ගැයු ගායකයෙක්, මේ දිනවල ලහිරු සිරස ද වොයිස් ටීන් රියැලිටි වේදිකාවේ විනිසුරු මඬුල්ල නියෝජනය කරනවා.
ඒ කෙසේ වෙතත් කාලයකට පසුව ලහිරු රසිකයින්ට දැනෙන සංවේදී ගීතයක් එළි දක්වා තිබෙනවා. ඒ “ඇස් වසා” ගීතයයි. ලහිරුගේ අනෙක් ගීත වගේම ඇස්වසා කියන ගීතය ලියන්නෙත් ජනප්‍රිය ගී පද රචක මනුරංග විජේසේකර විසින්.
ඒ වගේම මෙහි තනුව ලහිරු පෙරේරා විසින්ම සිදුකර තිබෙන අතර සංගීත නිර්මාණය ඩැඩි සංගීත කණ්ඩායමේ නිමන්ත කලුආරච්චි විසින් සිදුකර තිබෙනවා.
දැනටමත් මෙම ගීතයට හොඳ ප්‍රේක්ෂක ප්‍රතිචාර ලැබෙමින් පවතිනවා.
