මේ රට බාර ගන්න එන්නේ රැවුල් වවාගත්ත, කොණ්ඩෙ වවා ගත්ත,ගල් යුගයේ පිරිසක්ද?
විශ්වවිද්යාලවල තරුණයෝ හැසිරෙන්නෙ කුලී හමුදාවක් වගේ. අතනට යන්න කිව්ව ම යනවා. මෙතනට යනන කිව්ව ම යනවා. සමහර දේශපාලන පක්ෂවල ක්රියාකාරකම්වලට අපේ රටේ ශිෂ්ය පරම්පරාව යොදා ගන්නවා” යනුවෙන් නියෝජ්ය කතානායක අජිත් රාජපක්ෂ මන්ත්රීවරයා අද (20) පාර්ලිමේන්තුවේ දී කියා සිටියා.
ඉකුත් 9 වන දා රට පුරා ඇති වූ සිද්ධිය සම්බන්ධයෙන් විවේචනාත්මක ස්වරයෙන් කතා කළ මන්ත්රීවරයා කියා සිටියේ, අපි ඕනෑ ම වෙලාවක මෙතනින් යන්න සූදානම්, ඒත් මේ රට බාර ගන්න සූදානමින් ඉන්නෙ කවු ද? රැවුල් වවාගත්ත, කොණ්ඩෙ වවා ගත්ත, ගල් යුගයේ පිරිසක් ද? යනුවෙන්.
තව ද එම පිරිස් සමාජය විසින් ‘පොරවල්’ කර ඇති බවත් එවැනි පොරවල්වලට රට තුළ ප්රජාතන්ත්රවාදය තහවුරු කර හොඳ රටක් නිර්මාණය කරන්න පුලුවන් කියන එක ගැන තමාට ප්රශ්නයක් පැන නගින බව ද ඔහු ප්රකාශ කළා.
වැඩි දුරටත් ඔහු අසා සිටියේ “අපි හොරු ද? අපි පාර්ලිමේන්තුවට ඇවිත් තවම පොඩි කාලයයි. අපි ජනතාවගෙ මගුල් ගෙදරට මළ ගෙදරට ගිහින් විශ්වාසය හදාගෙනයි මෙතැනට ආවේ” යනුවෙන් පැවසීය.