ජනප්‍රිය ඉන්දීය ගායක KK දිවි ගමනට සමුදෙයි
බොලිවුඩයේ සුපිරි ගායකයකු වන ක්‍රිෂ්ණකුමාර් කුන්නාත් හෙවත් KK ඊයේ (31) රාත්‍රියේ කොල්කටාහි සජීවී ප්‍රසංගයකට සහභාගි වීමෙන් පසු මියගොස් තිබෙනවා.
මිය යන විට ඔහු 53 වන වියේ පසුවූ අතර සජීවී ප්‍රසංගය අවසන්වී ටික වේලාවකට පසු රාත්‍රී 10.30 ට ඔහු තම හෝටලයට ආපසු එන විට අසනීපවී තිබෙනවා
ඔහුව දකුණු කොල්කටා හි පෞද්ගලික රෝහලකට රැගෙන යන අතරතුර මියගොස් ඇති බවයි එරට වෛද්‍යවරුන් සඳහන් කරන්නේ.
භාෂා ගණනාවකින් ඔහු ගීත ගයනා කර ඇති අතර හින්දි, දෙමළ, තෙළිඟු, කන්නඩ, මලයාලම්, මරාති සහ බෙංගාලි යන භාෂාවලින් ගීත පටිගත කර ඇති බවයි සඳහන් වන්නේ.
