දිවි ගමන නිමා කළ ජනප්‍රිය ගායන ශිල්පී නුවන් ගුණවර්ධනගේ අවසන් කටයුතු අද
ශ්‍රී ලාංකේය සංගීත ක්‍ෂේත්‍රය තුළ අපූර්ව සටහන් තැබූ ගායන ශිල්පියෙකු වූ අභාවප්‍රාප්ත නුවන් ගුණවර්ධනගේ දේහය පිළිබඳ අවසන් කටයුතු අද සිදු කිරීමට නියමිතයි.
ඒ, මහරගම – ගොඩිගමුව පොදු සුසාන භූමියේදීයි.
පාවී ගියා ළඳේ මා ඔබේ, ලා සඳ එළියේ, කඳුලින්ම ගැයූ ගීත, වැනි ජනප්‍රිය ගීත නුවන් ගුණවර්ධන විසින් ගයා තිබෙනවා.
ඒ මහතා දරුවන් දෙදෙනකුගේ පියෙක්. නුවන් ගුණවර්ධන රංගන ශිල්පි හා ගායන ශිල්පී ගයාන් ගුණවර්ධනගේ පියායි.
73 හැවිරිදි නුවන් ගුණවර්ධන ගායන ශිල්පියා පසුගියදා ශ්‍රී ජයවර්ධනපුර රෝහලේ ප්‍රතිකාර ලබමින් සිටිය දී අභාවප්‍රාප්ත වී තිබුණා.
