සනත් නිශාන්තට සමූපකාර ඡන්දයකින් දරුණු පරාජයක්
ඊයේ (17) පැවති ආරච්චිකට්ටුව සමුපකාරයේ ඡන්ද විමසීමේ අවස්ථාවට කාරක සභික අපේක්ෂකයෙකු ලෙස ඉදිරිපත් වූ ජල සම්පාදන රාජ්ය ඇමති සනත් නිශාන්ත ඉන් පරාජයට පත් ව තිබෙනවා.
ඔහු ආරච්චිකට්ටුව සමූපකාරයේ ආරච්චිකට්ටුව ප්රාදේශිකයෙන් අංක 09 යටතේ ඡන්දයට ඉදිරිපත් ව ඇති අතර, එම ප්රාදේශිකයෙන් තෝරා ගනු ලබන කාරක සභිකයන් ප්රමාණය 09ක්.
එම 09 දෙනාගෙන් වැඩි ම ඡන්ද ප්රමාණයක් ලබාගෙන සභිකයින් 06 දෙනෙකු ජයග්රහණය කර ඇත්තේ ජාතික ජන බලවේගය ඉදිරිපත් කළ කාරක සභික අපේක්ෂකයන් 09 දෙනාගෙන් බව සඳහන්.
අනෙකුත් තිදෙනා තේරී පත් ව ඇත්තේ, පොහොට්ටු පක්ෂයෙන් වන අතර, එම තිදෙනා අතරට ජල සම්පාදන රාජ්ය ඇමති සනත් නිශාන්ත තේරී පත් ව නැති අතර කාරක සභික අපේක්ෂකයන් 19 දෙනා අතරින් රාජ්ය ඇමති සනත් නිශාන්තට හිමි ව ඇත්තේ 11 වෙනි ස්ථානය යි.
