යුක්‍රේනයේ කෞතුකාගාරයකට ප්‍රහාරයක්
රුසියානු ආරක්ෂක අංශ විසින් නැගෙනහිර යුක්‍රේනයේ කුපියාන්ස්ක් හි පිහිටි කෞතුකාගාරයකට මිසයිල ප්‍රහාරයක් එල්ල කර තිබෙනවා.
එහිදී පුද්ගලයෙකු ජීවිතක්ෂයට පත්ව තවත් දසදෙනෙකු තුවාල ලබා ඇති බවයි යුක්රේන ජනාධිපති ව්ලැඩිමියර් සෙලෙන්ස්කි ප්‍රකාශ කළේ.
ප්‍රහාරයෙන් කෞතුකාගාරය විනාශයට පත්ව ඇති අතර, එහි සුන්බුන් අතර සිරව සිටින පිරිස් සහ කෞතුක භාණ්ඩ සොයා මේ වනවිට මෙහෙයුමක්ද ක්‍රියාත්මකයි.
තුවාල ලැබූ දසදෙනා කෞතුකාගාර සේවකයින් වන අතර, රුසියාව ප්‍රහාරය සම්බන්ධයෙන් එල්ලවන චෝදනා ප්‍රතික්ෂේප කර තිබෙනවා.
