ප්‍රහාරක ගුවන් යානයක් කඩා වැටේ
පුහුණු ගුවන් ගමනක යෙදෙන අතරතුර ඇති වූ කාර්මික දෝෂයක් හේතුවෙන් ඉන්දීය හමුදාවට අයත් ප්‍රහාරක ගුවන් යානයක් කඩා වැටී තිබෙනවා.
මෙසේ කඩා වැටී ඇත්තේ MIG 21 යන ප්‍රහාරක ගුවන් යානයයි.
කාර්මික දෝෂයක් හේතුවෙන් එම යානය රාජස්තාන් හි “Hanumangarh” නම් ගම්මානයේ නිවසක් මතට කඩා වැටී ඇති බවයි විදෙස් මාධ්‍ය අනාවරණය කළේ.
එහි දී අදාළ නිවසේ සිටි තිදෙනෙක් මියගොස් ඇති අතර තවත් තිදෙනෙක් තුවාල ලබා තිබෙන බවයි වාර්තා වන්නේ.
විදෙස් මාධ්‍ය සඳහන් කළේ මෙම ප්‍රහාරක යානයේ සිටි ගුවන් නියමුවා යානය කඩා වැටෙන විට ඉන් ඉවතට පැන තිබෙන බවයි.
