ඉරානයට දැඩි උණුසුමක්
මේ වන විට ඉරානයේ දැඩි උණුසුම් කාලගුණික තත්ත්වයක් පවතින බව විදෙස් මාධ්‍ය වාර්තා කරනවා.
එරට දැඩි උණුසුම් කාලගුණ තත්ත්වය හේතුවෙන් සෞඛ්‍ය ගැටලු රැසක් හටගෙන ඇති අතර වයෝවෘද්ධ පුද්ගලයන් සහ කුඩා දරුවන් එලිමහනේ රැඳී සිටීමෙන් වැළැකිය යුතු බවට ඉරාන සෞඛ්‍ය අංශ උපදෙස් ලබා දී තිබෙනවා.
මේ අතර ඉරාන රජය අද (02) සහ හෙට(03) යන දෙදින විශේෂ නිවාඩු දින ලෙස ප්‍රකාශයට පත්කර තිබෙන බවයි විදෙස් මාධ්‍ය වාර්තා කරන්නේ.
දැඩි උණුසුම නිසා රෝගී වන පුද්ගලයන්ට කඩිනමින් අවශ්‍ය ප්‍රතිකාර ලබා දීමට රෝහල් සූදානම් සිටින අතර ඉරාන කාලගුණ විද්‍යාඥයන් පෙන්වන ආකාරයට එරට දෛනික උෂ්ණත්වය මේ වනවිට සෙල්සියස් අංශක 51 තෙක් ඉහළ ගොස් තිබෙනවා.
