සියලුම පාසල් සිසුන්ට දිවා ආහාරය නොමිලේ ලබා දීමට වැඩපිළිවෙළක්
පසුගිය වසරටත් වඩා ප්රතිපාදන යොදමින් ඉදිරියේ දී පාසල් නිල ඇඳුම්, දිවා ආහාර වැනි දීමනා ක්රමානුකූලව වැඩි කර 2030 වසර වන විට සියලු ම පාසල් සිසුන්ට පාසල් දිවා ආහාරය නොමිලේ ලබා දීමට ක්රියා කරන බව අධ්යාපන අමාත්ය සුසිල් ප්රේම්ජයන්ත් සඳහන් කරනවා.
අමාත්යවරයා පවසන්නේ ඒ සඳහා ප්රතිපාදන සලසා ගැනීමට අදාළ සාකච්ඡා ප්රංශ රජය ඇතුළු අදාළ පාර්ශව සමඟ මේ වන විට සිදු කරමින් පවතින බවයි.
මේ සියල්ල මධ්යයේ දරුවන්ගේ අධ්යාපන කටයුතු අඩාළ නොවී පවත්වාගෙන යාමට අවධානය යොමු කළ යුතු බව අවධාරණය කළ අමාත්යවරයා තිරසාර අධ්යාපන වැඩපිළිවෙළ ඉදිරියට පවත්වාගෙන යාමට සියලු දෙනාගේ සහයෝගය අපේක්ෂා කරන බවයි වැඩිදුරටත් ප්රකාශ කළේ.
