ගාසා තීරයෙන් පිටව යන රථ පෙළකට දරුණු ප්‍රහාරයක්
උතුරු ගාසා තීරයෙන් පිටව යන රථ පෙළකට මාරාන්තික ප්‍රහාරයක් එල්ල වී තිබෙනවා.
BBC වාර්තා කරන පරිදි, උතුරු ගාසා තීරයෙන් පිට ව යන සිවිල් වැසියන් ගේ රථ පෙළකටයි මෙම පහර දීම සිදු කර තිබෙන්නේ.
එම දර්ශන ද BBC විසින් උඩුගත කර තිබෙනවා.
ප්‍රහාරයෙන් කුඩා ළමුන් ඇතුළු සිවිල් වැසියන් කිහිප දෙනෙකු මිය ගිය බවටයි වාර්තා වන්නේ.
ප්‍රහාරයෙන් හානි වූ සහ ගිනිගත් වාහන කිහිපයක් ඒ ආසන්නයේ දක්නට ලැබෙන බව ද සඳහන්.
ගාසා නගරයේ තදාසන්න ප්‍රදේශයේ සිට කිලෝමීටර් කිහිපයක් දකුණින් මෙම ප්‍රහාරය සිදුව තිබෙනවා.
