මත්ද්රව්ය අත්අඩංගුවට ගැනීමට බලඅධිකාරියක්
විදෙස් රටවලින් මෙරටට රැගෙන එනු ලබන මත්ද්රව්ය අත්අඩංගුවට ගැනීම සඳහා ‘මත්ද්රව්ය විරෝධී’ බලඅධිකාරියක් ස්ථාපිත කරන බව ජාතික ආරක්ෂාව පිළිබඳ ජනාධිපති ජ්යේෂ්ඨ උපදේශක හා ජනාධිපති කාර්යමණ්ඩල ප්රධානී සාගල රත්නායක මහතා පවසනවා.
ඔහු මෙම අදහස් පළ කළේ අත්අඩංගුවට ගනු ලැබූ රුපියල් බිලියන 4 ක් පමණ වටිනා හෙරොයින් කිලෝ 200ක ප්රමාණය කොළඹ වරායට අද (24) රැගෙන ආ අවස්ථාවේ එය නිරීක්ෂණය කිරීමේ අවස්ථාවට එක්වෙමින්.
ත්රිවිධ හමුදාව සහ රාජ්ය බුද්ධි සේවාව එක්ව විදෙස් බුද්ධි සේවාවන්ද සම්බන්ධ කර ගනිමින් අදාළ වැටලීම් සිදු කිරීමට අවශ්ය පහසුකම් සැලසීමට මෙමගින් හැකියාව ලැබෙන බව ද සාගල රත්නායක මහතා වැඩි දුරටත් ප්රකාශ කළා.