එළිසබෙත් මහ රැජින භාවිත කළ මෝටර් රථයක් වෙන්දේසියට
මහා බ්‍රිතාන්‍යයේ හිටපු දෙවන එළිසබෙත් මහරැජින විසින් එක් වරක් පමණක් භාවිත කළ රේන්ජ් රෝවර් වර්ගයේ මෝටර් රථයක් පවුම් දෙලක්ෂ 24,850 මුදලකට අලෙවි කිරීම සඳහා ප්‍රසිද්ධ වෙන්දේසියක තබා තිබෙනවා.
අමෙරිකානු හිටපු ජනාධිපති බරැක් ඔබාමා 2016 වසරේ බ්‍රිතාන්‍යයට පැමිණි අවස්ථාවේ එළිසබෙත් මහ රැජින විසින් මෙම මෝටර් රථය භාවිත කර ඇති බවයි විදෙස් මාධ්‍ය සඳහන් කළේ.
වින්සර් කාසල්හි සිට එඩිම්බරෝ ආධිපාදවරයා එම මෝටර් රථය පදවාගෙන යන අයුරුත්, බැරැක් ඔබාමා සහ මිෂෙල් ඔබාමා ද සමඟ එලිසබෙත් මහ රැජින අදාළ මෝටර් රථයේ අසුන්ගෙන සිටින අයුරුත් දැක්වෙන ඡායාරූපයක් ද සහිතව එම වෙන්දේසිය පිළිබද තොරතුරු විදෙස් මාධ්‍ය වාර්තා කර තිබෙනවා.
