ජයතිස්ස බොරළුගොඩ මහතා දිවි ගමන නිමා කරයි

ප්‍රවීණ ගේයපද රචකයෙකු මෙන්ම ග්‍රන්ථ කතුවරයෙකු වූ ජයතිස්ස බොරළුගොඩ මහතා අභාවප්‍රාප්ත වුණා.

ජාතික රූපවාහිනියයේ ආරම්භක සාමාජිකයෙකු ලෙස එක්වූ ඒ මහතා එහි අධ්‍යක්ෂ පරිපාලන ලෙස දීර්ඝ කාලයක් කටයුතු කළා.

මේ අවුරුදු කාලේ සිනහ වෙයන් රාලේ / අත්වැල ගිලිහී / උපනා තනිකම ඇතුළු ජනප්‍රිය ගීත රැසක් රචනා කරමින් ගීත ක්ෂේත්‍රයට ඒ මහතා විශාල සේවයක් ඉටුකර තිබෙනවා.

එමෙන්ම කෙටිකතා / නවකතා / ළමා ගීත / තිර පිටපත් මෙන්ම දරුවන් වෙනුවෙන් ග්‍රන්ථ රැසක් ද රචනා කර ඇති ජයතිස්ස බොරළුගොඩ මහතා ශ්‍රී ජයවර්ධන පුර විශ්වවිද්‍යාලයේ උපාධි ධාරියෙක්.

මහරගම / දඹහේනපාර / 4වන පටුමගේ / අංක 63/53 දරණ නිවසේ දේහය තැන්පත් කර ඇති අතර දේහය පිළිබද අවසන් කටයුතු ගොඩිගමුව පොදු සුසාන භූමියේදී හෙට සිදුකිරීමට නියමිතයි.